Ewlehiya Awistralyayê ragihand ku hat tesbîtkirin, êrîşkarên êrîşa çekdar a li plaja bajarê Sydneyê yê eyaleta New South Walesê (NSW) ya 15 kes tê da hatin kuştin, bav û kur in.

Komîserê NSWyê Mal Lanyon digel Serokwezîrê Awistralyayê Anthony Albanese civîna çapemeniyê li dar xist û der heqê hûrgiliyên êrîşê da daxuyanî dan.

Lanyon destnîşan kir ku vekolînên biwarê tesbîtkirina nasnameyê kuta bûn û pêdivî bi xebateke zêdetir nehat dîtin.

Lanyon ragihand ku êrîşkar, bavekî 50 salî û kurê wî yê 24 ne û her wiha kurê 24 salî li nexweşxaneyê razandî ye û rewşa wî giran e, bav jî hat kuştin.

Lanyon her wiha diyar kir ku bavê 50 salî xwedan çeka bi ruxset e, 6 çekên wî yên bi ruxset hene û li cihê bûyerê 6 çek hatin bidestxistin.

Serokwezîr Albanese jî di daxuyaniya xwe da wiha got, "Tişta ku we duh dît, xwerû xirabî, antîsemîtîzm û çalakiya terorîzmê bû."

Serokwezîrê NSWyê Chris Minns jî destnîşan kir, 15 qurbaniyên êrîşê di navbera 10 û 87 salî da ne.

Minns her wiha got ku di êrîşê da 42 kes birîndar bûn û li nexweşxaneyan tên tedawîkirin.

- Êrîşa çekdar a li Awistralyayê

Li Awistralyayê li Plaja Bondiyê ya li bajarê Sydneyê yê eyaleta New South Walesê êrîşa çekdar hatibû kirin.

Hatibû ragihandin, ji du berşikan yek hat kuştin û yê din jî hat binçavkirin.

Serokwezîrê Awistralyayê Albanese di civîna çapemeniyê da daxuyandibû ku êrîş li dijî Awistralyayiyên Cihû hat kirin.

Ehmed el-Ehmedê ku cesûrane midaxeleyî êrîşê kiribû û çeka êrîşkarekî ji dest derxistibû, di çapemeniya Awistralyayê da bûbû rojev.