Di êrîşên artêşa Îsraîlê yên ku ji 7ê Cotmeha 2023yan û vir va dibe ser Xeta Xezeyê da, hejmara kuştiyan di nav 24 saetan da 32 kes zêde bûn û gihîşt 52 hezar û 567an.

Wezareta Tenduristiyê ya li Xezeyê der barê kesên ku di êrîşên artêşa Îsraîlê yên li Xezeyê dewam dikin da hatine kuştin û birîndar bûne da agahiyên dawî parve kir.

Hat daxuyandin ku di nav 24 saetan da cinazeyên 32 kesan û her wiha 119 birîndar rakirine nexweşxaneyên li Xezeyê.

Hat destnîşankirin ku artêşa Îsraîlê agirbesta ku di 19ê Çileya Paşîn da ket rewacê, di 18ê Adarê da binpê kir û dîsa dest bi êrîşên xwe kir ku di van êrîşan da 2 hezar û 459 Filistînî hatin kuştin, 6 hezar û 569 Filistînî jî birîndar bûn.

Hat gotin hejmara kesên ku di êrîşên Îsraîlê yên ji 7ê Cotmeha 2023yan û vir va li Xeta Xezeyê da hatin kuştin gihîşt 52 hezar û 567an, ya birîndaran jî bû 118 hezar û 610.

Tê gotin ku li Xeta Xezeyê di binê kavilan da hê bi hezaran kuştî hene.