Di êrîşên artêşa Îsraîlê yên ku xanî û konên Xeta Xezeyê kirin armanc da di nav da zarok jî hene herî kêm 13 kesan canê xwe ji dest da û gelek kes jî birîndar bûn.

Li gorî agahiya ku nûçegihanê AAyê ji şahidan û çavkaniyên nexweşxaneyê sitandin, artêşa Îsraîlê li bakurê bajarê Xezeyê bi êrîşa asîmanî xaniyê malbata Selfîtiyê kir armanc.

Di encama êrîşê da agir bi xanî ket û wêran bû û tê da 3 Filistîniyan canê xwe ji dest da gelek kes jî birîndar bûn.

Artêşa Îsraîlê her wiha li herêma Dê Belehê, êrîşa asîmanî bir ser konekî sivîlên Filistînî û di êrîşê da 5 Filistînî hatin kuştin û gelek kes jî birîndar bûn.

Li Xan Yûnisê jî di êrîşa Îsraîlê da 2 jê zarok herî kêm 3 kes hatin kuştin û zêdetir ji 15 kesan jî birîndar bûn.

Di êrîşa artêşa Îsraîlê ya li herêma Mewasiya Xan Yûnisê li dijî konekî sivîlan da jî 2 zarok hatin kuştin û gelek kes birîndar bûn.