Di êrîşên ku artêşa Îsraîlê ji 7ê Cotmeha 2023yan vir va birin ser Xeta Xezeyê da jimara kuştiyan di 24 saetên dawîn da 38 kes zêde bûn û derket 614 hezar û 756an.

Wezareta Tenduristiyê ya li Xezeyê daxuyaniya nivîskî da û der barê êrîşên Îsraîlê yên ku li Xezeyê dewam dikin da agahiyên dawîn ên kuştî û birîndaran û kesên ku ji birçîna mirin, dan.

Ji ber êrîşên Îsraîlê yên dijî Xezeyê di 24 saetên dawîn da 38 Filistînî hatin kuştin û 200 kes jî birîndar bûn.

Ji 18ê Adarê vir va ku artêşa Îsraîlê agirbesta di 19ê Rêbendanê da hatibû çêkirin, betal kir û li dijî Xezeyê êrîş cardin dan destpêkirin, jimara kuştiyan derket 12 hezar û 206an, jimara birîndaran jî derket 52 hezar û 18an.

Di êrîşên ku Îsraîlê ji 7ê Cotmeha 2023yan vir va birin ser Xeta Xezeyê da jimara kuştiyan jî derket 64 hezar û 756an, jimara birîndaran jî derket 164 hezar û 59an.

Ji 27ê Gulanê vir va li herêmên belavkirina alîkariya însanî ku qaşo di bin navê Îsraîl û Amerîkayê da hatine avakirin, ji ber êrîşên dijî Filistîniyên li benda alîkariyê ne, hejmara kuştiyan derket hezar û 2 hezar û 479an û ya birîndaran jî derket 18 hezar û 91î.

Tê gotin ku hê bi hezaran cinaze di bin kavilan da ne.

- Li Xezeyê yek jê zarok 2 kesên din ji birçîna mirin

Li Xeta Xezeyê ya ku Îsraîlê deriyên sînor girtiye û daketina alîkariyan asteng dike di 24 saetên dawîn da yek jê zarok 2 Filistîniyên din ji birçîna û kêmxwarinû jiyana xwe ji dest dan.

Jimara kesên ku li Xeta Xezeyê ji 7ê cotmeha 2023yan vir va ji birçîna mirin 143 jê zarok derket 413 kesan.