Di êrîşên artêşa Îsraîlê yên ku ji 7ê Cotmeha 2023yan û vir va dibe ser Xeta Xezeyê da, hejmara kuştiyan di nav 24 saetên dawî da 87 kes zêde bû û gihîşt 61 hezar û 20î.

Wezareta Tenduristiyê ya li Xezeyê der barê kesên ku di êrîşên artêşa Îsraîlê yên li Xezeyê dewam dikin da hatine kuştin û birîndar bûne da agahiyên dawî parve kirin.

Hat daxuyandin di nav 24 saetan da cinazeyên 87 kesan û 644 birîndar anîn nexweşxaneyên li Xeta Xezeyê.

Hat destnîşankirin ku artêşa Îsraîlê agirbesta ku di 19ê Çileya Paşîn da ket rewacê di 18ê Adarê da binpê kir û dîsa dest bi êrîşên xwe kir ku di van êrîşan da 9 hezar û 519 Filistînî hatin kuştin, 38 hezar û 630 kes jî birîndar bûn.

Her wiha hat gotin Weqfa Alîkariya Însanî ya Xezeyê ya ku di bin emrê Îsraîl-Amerîkayê da ye, bi navê alîkariya însanî herêmên belavkirinê ava kirine û li wan herêman ji 27ê Gulanê û vir va bi awayekî sîstematîk êrîşî Filistîniyan dikin, di van êrîşan da 1568 kes hatin kuştin, 11 hezar û 230 kes jî birîndar bûn.

Hat daxuyandin li Xeta Xezeyê ya ku Îsraîlê xela lê ferz kiriye, di 24 saetên dawîn da 8 Filistîniyên din jî birçîna mirin û hejmara kesên ku ji ber biçîbûnê mirin jê 94 zarok, gihîşt 188an.

Hat gotin hejmara kesên ku di êrîşên Îsraîlê yên ji 7ê Cotmeha 2023yan û vir va li Xeta Xezeyê da hatin kuştin gihîşt 61 hezar û 20î, ya birîndaran jî bû 150 hezar û 671.

Tê gotin ku li Xeta Xezeyê di binê kavilan da hê bi hezaran kuştî hene.