Di êrîşên Îsraîlê yên dijî Xeta Xezeyê yên ku ji 7ê Cotmeha 2023an û vir va dewam dikin da hejmara kuştiyan di 24 saetên dawî da 65 zêde bû û gihîşt 67 hezar û 139an.

Wezareta Tenduristiyê ya li Xezeyê der barê kuştî û birîndaran ên ji ber êrîşên artêşa Îsraîlê da agahiyên nû parve kir.

Hat gotin ku di nav 24 saetan da cinazeyên 65 kesan û 153 birîndar anîn nexweşxaneyan.

Hat destnîşankirin ku Îsraîlê agirbesta ku di 19yê Çileya Paşîn da kete rewacê xirab kir û di 18ê Adarê da dîsa dest bi êrîşan kir ku di van êrîşan da 13 hezar û 549 Filistînî hatin kuştin, 57 hezar û 542 kes jî birîndar bûn.

Hat gotin li herêmên qaşo belavkirina alîkariyê yên di bin emrê Îsraîl-Amerîkayê da ye, bi awayekî sîstematîk êrîşî Filistîniyan tê kirin û ji 27ê Gulanê û vir va di van êrîşan da 2 hezar û 605 kes hatin kuştin, 19 hezar û 124 kes jî birîndar bûn.

Hat daxuyandin hejmara kesên ku di êrîşên Îsraîlê yên ji 7ê Cotmeha 2023yan û vir va li Xeta Xezeyê da hatin kuştin derket 67 hezar û 139an, ya birîndaran jî derket 169 hezar û 583yan.

Hat destnîşankirin ki di binê kavilan da hê bi hezaran kuştî hene.