Li Xeta Xezeyê ku ji 7ê cotmeha 2023yan pê va êrîşên Îsraîlê lê berdewam in hejmara kuştiyan gihîşt 61 hezar û 827an.

Wezareta Tenduristiyê ya Filistînê ya li Xezeyê der barê hejmara kesên ku di êrîşên artêşa Îsraîlê da birîndar bûn û hatin kuştin agahî da.

Di daxuyaniyê da hat ragihandin ku di 24 saetên dawîn da 51 kes hatin kuştin û 369 kes jî birîndar bûn.

Hat destnîşankirin ku piştî peymana agirbestê ya di navbera Îsraîl û Hemasê da ya ku Îsraîlê 19ê Çileya Paşîn binpê kiribû, heta niha 10 hezar û 300 Filistînî hatine kuştin û 43 hezar û 234 kes jî birîndar bûne.

Di encama êrîşên Îsraîlê da yên ku ji 7ê cotmeha 2023yan pê va li dijî Xeta Xezeyê dest pê kiribûn heta niha 61 hezar û 827 kes hatine kuştin û 155 hezar û 275 kes jî birîndar bûne.

Tê gotin li Xeta Xezeyê hê jî bi hezaran cinaze di binê kavilan da ne.

 - Ji ber êrîşên dawîn yên Îsraîlê li Xezeyê 8 Filistînî hatin kuştin

Ji serê sibehê da ji ber êrîşên artêşa Îsraîlê yên dawîn li herêmên curbecur yên li Xeta Xezeyê 6 jê ji heman malbatê 8 Filistînî hatin kuştin.

Îsraîl li Xeta Xezeyê ya dorpêçkirî êrîşên xwe yên dijî sivîlan didomîne.

Li gor agahiyên ku nûçegihanê AAyê ji çavkaniyên nexweşxaneyê û şahidan hilda, artêşa Îsraîlê li herêmên curbecur yên li Xeta Xezeyê êrîşî mal û çadirên Filistîniyan û kesên ji cî û warê xwe bûne û li benda alîkariyê ne, kir.

Ji ber êrîşên artêşa Îsraîlê ku ji serê sibehê da dijî herêmên curbecur yên li Xeta Xezeyê li dar xist, 6 jê ji heman malbatê 8 Filistînî hatin kuştin.

Li gor agahiyan ji ber êrîşan gelek kes jî birîndar bûn.