Di êrîşên ku artêşa Îsraîlê birin ser Xeta Xezeyê da jimara kuştiyan di 24 saetên dawî da 2 zêde bû û derket 72 hezar û 70yî.

Artêşa Îsraîlê digel agirbestê êrîşên dijî Xeta Xezeyê didomîne.

Wezareta Tenduristiyê ya li Xezeyê daxuyaniya nivîskî da û der barê encamên êrîşên Îsraîlê yên ku ji Cotmeha 2023yan vir va dewam dikin da agahiyên dawîn ên kuştiyan parve kirin.

Li gor daxuyaniyê di 48 saetên dawî da cinazeyek û 10 birîndar anîn nexweşxaneyên Xezeyê.

Ji 10ê Cotmeha 2025an roja ku agirbest ketiye rewacê û heta niha di êrîşan da 612 kes hatin kuştin, hezar û 640 kes birîndar bûn. Ji binê kavilan cinazeyên 726 kesan hatin derxistin.

Di êrîşên ku Îsraîlê ji Cotmeha 2023yan vir va birin ser Xeta Xezeyê da jî jimara kuştiyan derket 72 hezar û 70yî, jimara birîndaran jî derket 171 hezar û 738an.

Tê gotin ku li Xeta Xezeyê di binê kavilan da hê cinazeyê hezaran kesan hene.