Di êrîşên artêşa Îsralê yên ku li Xeta Xezeyê dijî xanî û konan lidarxistin da di nava wan da yên ku li hêviya alîkariya mirovî, 12 Filistîniyan canê xwe ji dest da û gelek kes birîndar bûn.

Li gorî agahiya ku nûçegihanê AAyê yê li herêmê ji şahidan û ji çavkaniyên nexweşxaneyan sitand, Li bajarê Xan Yûnisa ku dikeve başûrê Xeta Xezeyê, droneyeke Îsraîlê li herêma Mewasiyê li dijî konên Filistîniyên bê cih û war êrîş li dar xist di encamê da 4 Filistînî hatin kuştin.

Dîsa li rojavayê Xan Yûnisê, nêzîkî îstasyona Taberiyeyê di encama êrîşa dijî konekî da jinekê canê xwe ji dest da û hinek kes jî birîndar bûn.

Li başûrê Xan Yûnisê jî eskerên Îsraîlê qelebalixeke ku li hêviya alîkariya mirovî bû gulebaran kir. Di êrîşê da 3 Filistînî hatin kuştin, 73 kes jî birîndar bûn.

Li bajarê Dêr Belehê ya li naverasta Xeta Xezeyê jî droneyeke Îsraîlê wesayiteke sivîl kir armanc û di encamê da 4 Filistînî hatin kuştin, gelek jî birîndar bûn.