Di êrîşên ku artêşa Îsraîlê ji 7ê Cotmeha 2023yan vir va birin ser Xeta Xezeyê da jimara kuştiyan di 24 saetên dawîn da 88 zêde bû û derket 56 hezar û 500î.

Wezareta Tenduristiyê ya li Xezeyê daxuyaniya nivîskî da û der barê êrîşên Îsraîlê yên ku li Xezeyê dewam dikin da agahiyên dawîn ên kuştî û birîndaran dan.

Di encama êrîşên ku Îsraîlê di 24 saetên dawîn da birin ser Xezeyê da piranî jê jin û zarok 88 Filistînî hatin kuştin, 365 kes birîndar bûn.

Di êrîşên ku Îsraîlê ji 7ê Cotmeha 2023yan vir va birin ser Xeta Xezeyê da jimara kuştiyan jî derket 56 hezar û 500î, jimara birîndaran jî derket 133 hezar û 419an.

Ji 18ê Adarê vir va ku artêşa Îsraîlê agirbest xerab kir û li dijî Xezeyê êrîş cardin dan destpêkirin, jimara kuştiyan derket 6 hezar û 175an, jimara birîndaran jî derket 21 hezar û 378an.