Artêşa Îsraîlê digel agirbestê êrîşên esmanî birin ser hin deverên herêma Beqaayê ya Libnanê û di êrîşan da 2 kes hatin kuştin.

Li gor nûçeya çapemeniya Libnanê, balafirên Îsraîlê li herêmên gundewar ên Beqaayê hin dever kirin hedef.

Li gor daxuyaniya ku ji Wezareta Tenduristiyê ya Libnanê hat dayîn, li herêma Beqaayê devera Baalbekê li gor tesbîtên ewil di êrîşan da 2 kes hatin kuştin.

Ji aliyê din va di vîdeoyên ser medyaya civakî da hat dîtin ku piştî êrîşên esmanî yên Îsraîlê ji gelek deverên Beqaayê dû rabû.

Artêşa Îsraîlê jî daxuyaniya nivîskî da û êrîş piştrast kir.

Di daxuyaniyê da hat gotin ku "Kampa perwerdeyê û tesîsa hilberîna moşekan a hesas a Hizbullahê" di serî da hin hedef hatin bombekirin.