Hat diyarkirin ku di êrîşên ku artêşa Îsraîlê peymana di 10ê cotmehê da hat îmzekirin îxlal kir û birin ser herêmên cuda yên Xeta Xezeyê da jin û zarok jî di nav da herî kêm 21 Filistînî hatin kuştin, gelek kes birîndar bûn.

Artêşa Îsraîlê di çend saetên dawîn da li bakur û aliyê navîn ê Xeta Xezeyê dijî wesayîtek û 4 malan êrîş kirin.

Mehmûd Basalê Berdevkê Midûriya Parastina Sivîlan a li Xezeyê di daxuyaniya xwe da got ku li Xaçerêya El-Ebbasê ya li rojavayêbajarê Xezeyê wesayîteke sivîl hedef hat girtin û 5 kes hatin kuştin.

Şahidan dan zanîn ku ji kesên di êrîşê da hatin kuştin 3 jê di wesayîtê da bûn û 2 jê jî ji rê ra derbas dibûn. Di êrîşê da zarok jî di nav da hin kes birîndar bûn.

Di êrîşa dijî xaniyê malbata El-Hudara li Taxa Nasrê ya li rojavayê bajarê Xezeyê da jî 4 kes hatin kuştin.

Di êrîşa dijî maleke nêzî Nexweşxaneya El-Awdeyê ya li Kampa Penaberan a Nusayratê da jî 3 Filistînî hatin kuştin û 11 Filistînî birîndar bûn.

Li Nusayratê di êrîşa ku li "Kampa 2yemîn" dijî xaniyekî hat kirin da jî jin û zarok jî di nav da 7 Filistînî hatin kuştin.

Balafirên şer ên Îsraîlê êrîşî maleke li bajarê Deyr el-Belahê ya li aliyê navîn ê Xeta Xezeyê cî digire kirin. li gor agahiyên ji çavkaniyên tenduristiyê hatin hildan di êrîşê da 2 Filistînî hatin kuştin û birîndar hene.