BEYRÛT (AA) - Hat ragihandin di êrîşa artêşa Îsraîlê ya esmanî ya dijî otêleke li Beyrûta paytextê Libnanê da 4 kes hatin kuştin û 10 kes jî birîndar bûn.

Êrîşên artêşa Îsraîlê yên dijî Libnanê ku di 2yê Adarê da dabû destpêkirin, dewam dikin.

Li gorî daxuyaniya nivîskî ya Wezareta Tenduristiyê ya Libnanê, di êrîşa artêşa Îsraîlê ya dijî otêleke li Beyrûtê da 4 kes hatin kuştin û 10 kes jî birîndar bûn.

Artêşa Îsraîlê di 2yê Adarê da êrîşî otêleke li herêma Hazimiyeyê ya li Beyrûdê kiribû.

- Êrîşên Îsraîlê yên dijî Libnanê

Di daxuyaniya artêşa Îsraîlê ya 2yê Adarê da hatibû diyarkirin piştî hat tesbîtkirin ku ji Libnanê moşek hatine avêtin, li bakurê welêt sîren ketin dewrê.

Artêşa Îsraîlê paşê ragihandibû ku dijî tevahiya Libnanê êrîşên esmanî daye destpêkirin, paytext Beyrûtê hedef girtiye û ji hewayê û behrê gelek êrîş biribû ser Libnanê û biryar dabû ku dagirkeriya bejayê berfireh bike.

Wezareta Tenduristiyê ya Libnanê eşkere kiribû ku hejmara kesên di êrîşên artêşa Îsraîlê da hatin kuştin derket 294an û ya birîndaran jî bû 1023.