Li Sûriyeyê, Rûsyaya ku piştgiriyê dide rejima Beşar Esed, êrîşên asîmanî birin ser cîwarên li Herêma Kêmkirina Rageşiyê Îdlibê û di encamê da 4 sivîl birîndar bûn.

Li gorî çavdêrxaneya balafiran a mixalifan, balafirên şer ên Rûsyayê êrîşên asîmanî birin ser gundên Mecdeleye, Ruweda, Marbelît û Martabiyê yên li Herêma Kêmkirina Rageşiyê Îdlibê.

Li gorî agahiya ku ji peywirdarên Parastina Sivîlên Îdlibê hat wergirtin, di êrîşa balafirên Rûsyayê yên dijî gundê Mecdeleyê da 4 sivîl birîndar bûn.

Ekîbên Parastina Sivîlan, birîndar rakirin nexweşxaneyên nêzîk.

- Rewşa li Îdlibê

Tirkiye, Rûsya û Îranê di 4-5ê gulana 2017an da di civîna Astanayê da Îdlibê û hin herêmên bajarên derdora wê (wilayetên Lazqiye, Hema û Helebê), bakurê bajarê Humsê, li Xûteya Rojhilat a li Şama paytext û herêmên li başûrê welêt (wilayetên Dera û Quneytrayê) bi tevahî 4 "herêmên kêmkirina rageşiyê" hatibûn îlankirin. Lêbelê rejim û terorîstên ku Îran piştgiriyê dide wan, ji 4 herêman bilî Îdlibê herêmên din tev bi piştgiriya esmanî ya Rûsyayê bi dest xistin û berê xwe dan Îdlibê.

Lêbelê rejimê û terorîstên ku Îran piştgiriyê dide wan, ji 4 herêman xêncî Îdlibê herêmên din bi piştgiriya esmanî ya Rûsyayê bi dest xistibûn û berê xwe dabûn Îdlibê. Di îlona 2018an da Rûsyayê ji bo hêzdarkirina agirbestê li Soçiyê mitebeqata pêvek îmze kir.

Rûsya û rejimê di gulana 2019an da operasyon dan destpêkirin ku tevahiya herêmê zeft bikin û gelek wargehên li Îdliba Herêma Kêmkirina Rageşiyê zeft kirin.

Herî dawîn Tirkiye û Rûsyayê di 5ê Adara 2020î da li Moskovayê mitebeqateke teze çêkirin.

Agirbesta ku gelek caran bi destê rejimê tê binpêkirin dewam dike. Di heyama 2017-2020î da kêmzêde 2 milyon sivîlî ji ber êrîşên rejim û Rûsyayê koçî herêmên nêzî sînorê Tirkiyeyê kirin.