Artêşa Îsraîlê li beldeya Hewş es-Seyyîd Eliyê ku dikeve aliyê rojhilata Libnanê, ber sînorê Sûriyeyê, bi wesayîta esmanî ya bêfirokevan (ÎHA) êrîşî wesayîtekê kir û 2 kes kuştin.

Îsraîl digel peymana agirbestê ya Mijdara 2024an li dijî Libnanê êrîşên xwe didomîne.

Li gor nûçeya NNAya ajansa fermî ya Libnanê, li Hewş es-Seyyîd Eliyê ku dikeve ser sînorê Libnan û Sûriyeyê, serê sibehê ÎHAyeke Îsraîlê wesayîtek kir hedef.

Di êrîşê da 2 kes hatin kuştin. Artêşa Îsraîlê daxuyanî da û kirina êrîşê qebûl kir.

Ji aliyê din va artêşa Îsraîlê bişev li beldeya Cenatayê ya li bajarê Sûrê bi ÎHAyê êrîşî wesayîtekê kiribû û kesek birîndar kiribû.