Hat ragihandin ku di êrîşên artêşa Îsraîlê yên li deverên cuda yên Xeta Xezeyê yên ku şev hatin kirin da jin û zarok jî di nav da 51 Filistînî hatin kuştin û gelek kes jî birîndar bûn.

Ajansa fermî ya nûçeyan a Filistînê WAFAyê ragihand ku Îsraîlê tevahiya şevê li başûr û bakurê Xeta Xezeyê malên Filistîniyan hedef girt.

Di êrîşan da jin û zarok jî di nav da jê 45 kes li bakurê Xeta Xezeyê, tevahî 51 kes hatin kuştin û gelek kes jî birîndar bûn.

Di nûçeyê da hat gotin cinaze û birîndar rakirin Nexweşxaneya El-Avde û Nexweşxaneya Endonezyayê û cinazeyên hin kesan hê jî di binê kavilanda ne.