Hejmara kesên ku ji 7ê Cotmeha 2023yan û vir va di êrîşên artêşa Îsraîlê yên li dijî Xeta Xezeyê da hatin kuştin, derket 52 hezar û 495an.

Wezareta Tenduristiyê ya li Xezeyê der barê kesên ku di êrîşên artêşa Îsraîlê yên li ser Xezeyê da hatine kuştin û birîndar bûne da agahiyên nû parve kirin.

Hat daxuyandin ku di nav 24 saetan da 77 kuştî û 275 birîndar rakirine nexweşxaneyên li Xezeyê.

Artêşa Îsraîlê di 18ê Adarê da agirbesta ku di 19ê Çileya Paşîn da çêbûbû, binpê kir û dîsa dest bi êrîşan kir. Hat destnîşankirin ku ji 18ê Adarê vir va hejmara Filistîniyên ku hatine kuştin, derket 2 û 396an, hejmara kesên ku birîndar bûn jî derket 6 hezar û 325an.

Hat daxuyandin ku li Xeta Xezeyê ji 7ê Cotmeha 2023yan û vir va hejmara kesên ku di êrîşên Îsraîlê da hatin kuştin derket 52 hezar û 495an, ya birîndaran jî bû 118 hezar û 366.

Tê gotin ku li Xeta Xezeyê hê bi hezaran kuştî di binê kavilan da ne.