Di êrîşên artêşa Îsraîlê yên ku ji 7ê Cotmeha 2023yan û vir va dibe ser Xeta Xezeyê da, hejmara kuştiyan 70 kes zêde bû gihîşt 54 hezar û 677an.

Wezareta Tenduristiyê ya li Xezeyê der barê kesên ku di êrîşên artêşa Îsraîlê yên li Xezeyê dewam dikin da hatine kuştin û birîndar bûne da agahiyên dawî parve kir.

Hat daxuyandin ku di nav 24 saetan da cinazeyên 70 kesî û her wiha 189 birîndar rakirine nexweşxaneyên li Xezeyê.

Hat destnîşankirin ku artêşa Îsraîlê agirbesta ku di 19ê Çileya Paşîn da ket rewacê, di 18ê Adarê da binpê kir û dîsa dest bi êrîşên xwe kir û di van êrîşan da 4 hezar û 402 Filistînî hatin kuştin, 13 hezar û 489 Filistînî jî birîndar bûn.

Hat gotin hejmara kesên ku di êrîşên Îsraîlê yên ji 7ê Cotmeha 2023yan û vir va li Xeta Xezeyê da hatin kuştin gihîşt 54 hezar û 677an, ya birîndaran jî bû 125 hezar û 530.

Hat ragihandin ku li Xeta Xezeyê hê bi hezaran kuştî di binê kavilan da hene.