Di êrîşên artêşa Îsraîlê yên li ser herêmên cuda ên Xeta Xezeyê yên ku ji şev heta niha dewam dikin da 20 Filistînî hatin kuştin.

Li gorî ajansa nûçeyan a Filistînê WAFAyê, balafirên şer ên Îsraîlê gelek malên di apartmanana bi navê "Rumuz" da ya ku nêzîkî herêma el-Kerameyê ya li bakurê rojavayê bajarê Xezeyê bombebaran kirin.

Di êrîşa Îsraîlê da15 Filistînî hatin kuştin û 10 kes jî birîndar bûn.

Ji ber êrîşa artêşa Îsraîlê ya li dijî mala malbata "El-Attar" a li taxa es-Selatînê ya li rojavayê Beyt Lahiyaya li bakurê Xeta Xezeyê jî 4 kes hatin kuştin û 5 kes jî birîndar bûn.

Di êrîşa wesayîta bêmirov (ÎHA) ya Îsraîlê ya li dijî komeke Filistîniyên li bajaroka Cîbaliyeyê jî kesek mir û hin kes jî birîndar bûn.

Ji bilî vê, artêşa Îsraîlê gelek xanî û avahiyên sivîlên li bajarê Xezeyê û Refahê ya li başûrê Xezeyê bombebaran kir û hilweşand.

Ji dema ku artêşa Îsraîlê êrîşên xwe ji nû va da destpêkirin û vir va piraniya wan kal, pîr, jin û zarok 2 hezar û 436 Filistînî hatin kuştin û 6 hezar û 450 kes jî birîndar bûn.

Hejmara Filistîniyên ku ji 7ê Cotmeha 2023an vir va di êrîşên Îsraîlê yên li ser Xezeyê da hatin kuştin gihîşt 52 hezar û 535an û hejmara birîndaran jî bû 118 hezar û 491.