Hejmara kesên ku di êrîşên artêşa Îsraîlê yên dijî Xeta Xezeyê ku ji Cotmeha 2023an û vir va dike da hatin kuştin, derket 72 hezar û 280yan.

Wezareta Tenduristiyê ya Filistînê ya li Xezeyê di daxuyaniya nivîskî da, daneyên dawî yên li ser kesên ku ji Cotmeha 2023yan û heta niha di êrîşên Îsraîlê da hatin kuştin, parve kirin.

Hat gotin ji ber êrîşên artêşa Îsraîlê di nav 24 saetan da 2 kesên ku di êrîşên berê da birîndar bûbûn, mirin û kesek jî birîndar bû.

Li Xezeyê di êrîşên piştî agirbesta ku di 10ê Cotmeha 2025an da ketibû rewacê û heta niha da 704 kes hatin kuştin, 1914 kes birîndar bûn û 756 cinaze jî ji binê kavilan hatin derxistin.

Hat daxuyandin hejmara kesên ku di êrîşên Îsraîlê yên ji Cotmeha 2023yan û vir va li Xeta Xezeyê dike da hatin kuştin, derket 72 hezar û 280yan û ya birîndaran jî bû 172 hezar û 14.

Hat gotin li Xeta Xezeyê di binê kavilan da hê bi hezaran cinaze hene.