"Dadgeha Xezeyê" ku teşebuseke kurewî û serbixwe ye ku ji bo lêkolîna sûcên şerî yên ku Îsraîlê li Xezeyê pêk anîn hat damezirandin, bi rûniştên ku dê sibê li Stenbolê dest pê bikin û 4 rojan dewam bikin, dê biryara xwe ya dawîn bide.

Bi serokatiya Raportorê Taybet ê berê yê Neteweyên Yekbûyî (NY) yê Filistînê Richard Falk û bi beşdariya akademîsyen, parêzvanên mafê mirovan û nûnerên medya û saziyên civakî va li Hola Konferansê ya Prof. Dr. Cemil Birsel a Zanîngeha Stenbolê dê di 23-26ê Cotmehê da "Dadgeha Xezeyê: Rûniştina Dawîn" bê lidarxistin û xizmeta sîmultaneyê dê ji bo beşdaran bê dayîn.

Di çarçoveya "Dadgeha Xezeyê: Rûniştina Dawîn" da bi panel, hevpeyvîn, nîşandana belgefîlmê û rûniştinên curbicur va jenosîda li Xezeyê pêk hat dê bê gotûbêjkirin. Her wiha dê cih bidin îfadeyên şahidên li Filistîn û Xezeyê jî.

Çalakî dê di 23yê Cotmehê da bi axaftina Falkê Raportorê Taybet ê berê yê NYyê yê Seba Filistînê dest pê bike û dê bi danasîna "Juriya Wijdanê" bidome.

Endamên juriyê ev kes in: Nivîskar Kenize Mourad, akademîsyen û aktîvîst Chandra Muzaffar, ji Dibistana Zanistên Aborî û Siyasî ya Londonê (LSE) Profesor Christine Chinkin, Dr. Ghada Karmi, aktîvîst Sami Al Arian, şair Tamim Al Barghouti û akademîsyen Biljana Vankovska.

Nivîskar Michelle Burgis Kasthala û Dr. Wesam Ahmed jî wekî raportor di dadgehê da cih digirin.