Hat îdiakirin, Teşkîlata Îstixbarata Navendî ya Amerîkayê (CIA) hewl dide li Îranê Kurdên mixalif çekdar bike da ku serî hildin.

Çavkaniyên ji têlevîzyona CNN a Amerîkan ra axivîn, biwarê planên CIAyê yên li Îranê îdia anîn ziman.

Çavkaniyan îdia kirin, rêveberiya Amerîkayê bi komên mixalif ên Îranî û nûnerên mixalefeta Kurdên Îranî yên xwe spartine Herêma Kurdistana Iraqê ra di mijara dabînkirina piştgiriya eskerî da hevdîtinên aktîf dimeşînin.

Çavkaniyekî Kurd ê Îranî diyar kir ku hin komên çekdar ên mixalif ên Îranî plan dikin ku li rojavayê welêt hin çalakiyan pêk bînin lêbelê li benda piştgiriya Amerîka û Îsraîlê ne.

Hat îdiakirin, ew îhtimal jî hatiye axaftin ku gelo Kurdên herêmê li Îranê dikarin qadeke diyar têxin bin kontrola xwe û ji bo Îsraîlê "herêma tampon" ava bikin yan na.

Alex Plitsasê rayedarê berê yê Pentagonê û pisporê ewlekariya neteweyî yê CNNê jî îdia kir ku Amerîka dixwaze Kurdan çekdar bike ku pêvajoya serhildana Îraniyan zûtir bibe.

Plitsas wiha got, "Gelê Îranê bi giştî bê çek e û heta ku hêzên ewlekariyê têk neçin, yek wan çekdar neke, bidestxistina desthilatê dê zehmet be."