Li bajarê Bîrussebiyê (Berşeva) yê li başûrê Îsraîlê li herêma pîşesaziyê ya ku Îranê bi êrîşa bersivdayînê va hedef girt, şewat derket.

Çapemeniya Îsraîlê ragihand, piştî bersivdayîna Îranê, li hin herêmên li navîn û başûrê welêt sîrenan lê da.

Têlevîzyona Kanal 12ê ya li Îsraîlê weşanê dike, destnîşan kir ku ji ber êrîşa bersivdayînê ya Îranê li nêzîkî bajarê Bîrussebiyê yê li başûrê welêt, li herêma endustriyê şewat derket.

Di dîmenên li ser medyaya civakî hatin parvekirin da xuya kir ku li herêma endustriyê ya Neot Hovavê şewateke mezin derket û ji herêmê dû rabû.

Hê tu daxuyaniyeke fermî nehat dayîn ku moşekên Îranê rasterast îsabetî herêmê kirin yan na.

Di daxuyaniya Stêrka Sor a Dawid a servîsa alîkariya bilez a Îsraîlê da jî hat ragihandin ku li gorî encamên destpêkê, di êrîşa bersivdayîna Îranê da kuştî û birîndar tunene.