Berdevka Hikûmeta Îranê Fatma Muhaciraniyê got ku di êrîşên Amerîka-Îsraîlê da 3 hezar û 90 cî û warên sivîl, 528 yekîneyên ticarî û 9 jê yên Heyva Sor 13 navendên tenduristiyê bûn hedefa êrîşan, ji sedî 30ê kuştiyan zarok in.

Muhaciranî ji televîzyona dewletê ya Îranê ra axivî û der barê mirin û xisarên ji ber êrîşên Amerîka-Îsraîlê yên dijî welatê wê da agahî dan.

Muhaciraniyê got ku "Em li cihên sivîlan xisarên mezin dibînin. Heta îro 3 hezar û 90 cî û warên sivîl, 528 yekîneyên ticarî û 9 jê yên Heyva Sor 13 navendên tenduristiyê bûn hedefa êrîşan. Em li navendên tenduristiyê jî bûn şahidê mirinan."

Muhaciraniyê da zanîn ku di êrîşan da zarok jî hedef hatin girtin û got ku heta niha ji kesên ku di êrîşan da jiyana xwe ji dest dan ji sedî 30ê wan zarok in.