Bîlal Cesîmê 12 salî ku li Îdliba bajarê Sûriyeyê di êrîşa rejima Beşşar Esed da birîndar bû û ji navê berjêr nagire hewl dide bixwîne. Tevlî bavê xwe ji xwe ra sendelya biteker çêkir û pê diçe dibistanê û tê malê.

Cesîmê ji gundê Zehrayê ku li rojavayê Îdlibê dikeve 7 sal berê di êrîşa topê ya birin ser mala wan da bi perçeyê şerapnalê yê li piştê ket birîndar bû û ji wê rojê vir va jî felç ma. Ew hêvî dike rojekê bi piyan keve û bi hevalên xwe ra têra dilê xwe bileyîze.

Cesîmê diçe pola 6an ji bo bikaribe biçe dibistanê tevlî heval, xwîşk û birayên xwe rojê 2 kîlometre rê diçe û li benda alîkariyê ye.

Bîlal Cesîm daxuyanî da nûçegihanê AAyê û destnîşan kir ku ji bo bikaribe bi rihetî biçe dibistanê jê ra kursiyê bi teker ê bê aku lazim e. Cesîm destnîşan kir ku ew di êrîşa rejima Esed bir ser mala wan da birîndar bû û felc ma.

Cesîm got ku ew dixwaze perwerdehiya xwe bidomîne û wiha dewam kir: "Ez ji Xwedê bawer im ku ez ê rojekê bimeşim û bikaribim herim zanîngehê û biqedînim. Mala me ji dibistanê dûr e û rewşa me jî pir baş nîne. Min tevlî bavê xwe ji textikan kursiyek bi teker çêkir û ez pê diçim dibistanê. Ez ji hîn bûnê hez dikim, dersên min jî baş in û hêvî dikim di demeke kurt da ez emeliyat bibim."