Artêşa Îsraîlê şefeqê li herêma el-Mewasiyê ya li başûrê Xeta Xezeyê konek hedef girt, di êrîşê da dê bav û 3 zarokên wan hat kuştin.

Li gor agahiyên ji çavkaniyên tenduristiyê hatin hildan artêşa Îsraîlê li herêma el-Measiyê ya li ser bajarê Refahê ya li başûrê Xeta Xezeyê êrîşa asîmanî bir ser kona malbata "Ebû Tuayme".

Îbrahîm Xelîl Ebû Tuayme û xanima wî Hanadî Şaban Ebû Tuayme û zarokên wan Semîraya 8 salî, Azîmê 6 salî û Rafetê 4 salî yên ku di konê da dijiyan hatin kuştin.

Malbata Ebû Tuayme ji bo ku ji êrîşên Îsraîlê bireve mala xwe ya li Xan Yûnisê terikandibû û xwe sipartibûn kona li herêma el-Mewasiyê.

Ji hêla din va balafirên şer ên girêdayî artêşa Îsraîlê li herêma el-Menaraya li bajarê Xan Yûnisê malekî hedef girt, wesayîteke asîmanî ya bêmirov a artêşa Îsraîlê jî li rojhilatê Xan Yûnisê êrîş bir ser mirovên li herêma Abasan el-Kebîreyê kom bibûn.

Hê agahî nehat dayîn ka di êrîşên navborî da kuştî û birîndar hene yan na.