Artêşa Îsraîlê hinek taxên li naverasta Xezeyê tehdîd kir û ji bo Filistîniyan fermana mişextîbûnê da.

Berdevkê artêşa Îsraîlê Avichay Adraee li ser hesabê xwe yê Xê nexşeyek weşand û tê da nemro danîne ser beşên naverasta Xezeyê û herêmên ku daxwaza valakirina hatiye kirin jî bi rengê sor hatine nîşandan.

Berdevkê artêşê Adraee ji bo bajarokên Nusayrat, Zehra, Mixraqe, Nuzhe, Bewadî, Besme, Besatîn, Bedir, Ebû Hureyre, Rewde û Sefayê yên ku dikevin naverasta Xeta Xezeyê tehdîda êrîşê kir.

Andree îdia kir ku bajarokên navborî "herêmên xeter ên şer in" û komên Filistînî hê mûşekan diavêjin Îsraîlê.

Andree her wiha îdia kir ku ji bo Filistîniyên li wan deveran, herêma Mewasî ya aliyê başûr ewledartir e û fermana koça mecbûrî da.

Artêşa Îsraîlê piştî 7ê cotmeha 2023yan bi nexşeyên ku Xeze dabeşî blokan kiriye fermana koça mecbûrî dide Filistîniyan.