Hat ragihandin ku artêşa Îsraîlê gelek êrîşên asîmanî biirin ser bajarokên li başûr û rojhilatê Libnanê.

Êrîşên Îsraîlê yên li ser Libnanê ku di 2yê Adarê da dest pê kirin, berdewam dikin.

Li gorî ajansa nûçeyan ya fermî ya Libnanê NNAyê, balafirên Îsraîlê bajarokên Kefre, Mecedîl, Joya û Qalîlehê yên li herêma Tîrê hedef girtin.

Artêşa Îsraîlê her wiha êrîşên asîmanî li ser bajarokên Xiyam û Şokînê yên li bajarê Nebatiyeyê ya li başûr pêk anîn.

Bajarokên Şemstar û Şaarayê yên li bajarê Baalbaka li rojhilatê welêt jî ji aliyê balafirên Îsraîlê va hatin bombebarankirin.