Artêşa Sûriyeyê teqwiye dişîne xeta herêma Dêr Hafirê ya li ser wilayeta Helebê ku di binê dagirkeriya YPG/HSDya rêxistina terorê da ye.

YPG/HSDya rêxistina terorê li Heleba bajarê Sûriyeyê êrîşî mewziyên artêşê û cihên sivîlan kir

Rêxistina terorê YPG/HSD ji bo rêgiriya operasyonên Sûriyeyê pirên li herêmê diteqîne

Artêşa Sûriyeyê ji bo amadehiyên operasyona dijî herêmên ku li rojavayê Çemê Feratê di binê dagirkeriya YPG/HSDyê da ye, ji Lazqiyeyê konvoyeke eskerî sewqî herêmê kir.

Konvoy ji wesayîtên eskerî pêk tê û di wesayîtan da roketavêjên pirlûle û bataryayên topavêj jî hene. Hat gotin ku hikûmeta Sûriyeyê wê konvoyê li xeta Dêr Hafira Helebê bi cih bike ku ew der wekî herêma eskerî ya girtî îlan kiribû.

 - Artêşa Sûriyeyê li Dêr Hafirê bi roketên pirserî li hedefên YPG/HSDyê dixe

Artêşa Sûriyeyê li Dêr Hafira li rojhilatê Helebê, bi roketên pirserî bi navber li hedefên rêxistina terorê YPG/HSDyê dixe.

Li gorî agahiya peyamnêrê AAyê ji herêmê ragihand, artêşa Sûriyeyê li Dêr Hafirê hedefên rêxistina terorê YPG/HSDyê dide ber roketên pirserî.

Her wiha di navbera artêşa Sûriyeyê û terorîstên YPG/HSDyî da li nêzîkî Bendava Tişrînê ya li rojhilatê Helebê jî pevçûn rû didin.

Ji aliyê din va artêşa Sûriyeyê li bajarê Dêr Hafirê, avahiya şirketa gubreyê û avahiya Midûriyeta Posteyê ya berê yên ku YPG/HSD wekî baregeh û depo bi kar tîne, kirin armanc.

Artêşa Sûriyeyê ji bo amadehiyên operasyona dijî herêmên ku li rojavayê Çemê Feratê di bin dagiriya YPG/HSDyê da ne, ji Lazqiyeyê konvoyeke eskerî sewqî herêmê kiribû.

Hatibû diyarkirin, konvoya wesayîtên eskerî ya di navê da roketavêjên pirserî û bataryayên topxaneyan jî hene, dê li xeta Dêr Hafira Helebê bê bicihkirin ku ji hêla hikûmeta Sûriyeyê wekî herêma eskerî ya girtî hatibû îlankirin.

 - Artêşa Sûriyeyê hin rêyên ku ber bi Meskeneya ku wekî herêmeke eskerî îlan kiriye va diçin wê ji hatin û çûyînê ra bigire

 Polêsên Sûriyeyê ragihandin rêyên ku ber bi Meskeneyê ya ku deverên rojavayê Çemê Fêratê di nav da ye û piştî kombûna rêxistina terorê wekî herêmeke eskerî hatiye îlankirin, îro êvarê bi dema herêmî ji saet 6ê êvarê pê va ji hatin û çûyînê ra werin girtin.

Di daxuyaniya nivîskî ya polêsan da hat destnîşankirin, rêyên ku ji herêma Safîrayê ya li gundewarê Helebê ber bi Meskeneyê û Çêwlika Şeşan va diçin wê ji saet 6ê êvarê pê va heta emrekî duyemîn ji hatin û çûyînê ra bên girtin.

Hat gotin ev biryar ji bo ewlehiya niştecihan hatiye dayîn û ji welatiyan hat xwestin ku ew li gorî telîmatan tevbigerin.

Piştî zêdebûna êrîşan, artêşa Sûriyeyê di 7ê Çileya Paşîn da li Helebê li dijî taxên ku ji hêla YPG/HSDya rêxistina terorê va hatibûn dagirkirin operasyonek dabû destpêkirin.

Piştî operasyonê, taxên Eşrefiye, Şêx Meqsûd û Benî Zeyd ên li Helebê ji dagirkeriya rêxistina terorê hatibûn rizgarkirin.

Artêşa Sûriyeyê ji ber ku rêxistina terorê li herêmê bi cî dibe û ji van deran li dijî Helebê êrîşên ÎHAyê dike, herêma rojavayê Çemê Feratê ya ku hatiye dagirkirin wekî herêma eskerî îlan kiribû û xwestibû ku hemû hêzên çekdar vekişin rojhilatê Feratê.