XEZE (AA) - Artêşa Îsraîlê bereksê agirbesta ku ji 10ê Cotmeha 2025an û vir va di warê cîbicîkirinê da ye, li dijî hin herêmên Xeta Xezeyê êrîşên asîmanî û topxaneyan pêk anîn.

Li gorî agahiya ji şahidan hat wergirtin, artêşa Îsraîlê rojhilatê taxên Zeytûn û Şûcaiyeyê yên li rojhilatê bajarê Xezeyê bi giranî bombebaran kir.

Balafirên şer jî li dijî van herêman û deverên li naverasta Xeta Xezeyê êrîş pêk anîn.

Hêzên Deryayî yên Îsraîlê jî qeraxên bajarê Xezeyê eletexmînî dan ber guleyan.

Li Xezeyê ji destpêkirina agirbesta 10ê Cotmeha 2025an û vir va di êrîşên Îsraîlê da 648 Filistînî hatin kuştin û 1728 kes jî birîndar bûn.

Di êrîşên artêşa Îsraîlê yên ji Cotmeha 2023yan û vir da zêdetirî 72 hezarî Filistînî hatin kuştin û qedera 172 hezar Filistînî jî birîndar bûn.