Berdevka Wezareta Karên Derva ya Amerîkayê Morgan Ortagusê ragihand ku wan ji Rûsyayê ekîpmanê tibî kirî.

Ortagusê li ser mijarê daxuyaniyeke nivîskî belav kir û diyar kir ku peyman di çarçoveya têkoşîna dijî cureya nû ya vîrusa koronayê (Kovîd-19) da hat pêk hat.

Ortagusê destnîşan kir ku Amerîka di mijara şewa Kovîd-19ê da têkoşîneke kurewî dide, lêbelê çareserî bi yekalî çênabe û wiha dewam kir:

"Piştî peywendiya Serok Trump û Serok Putîn a li ser têlefonê a 30ê adarê, Amerîkayê balafirek tijî alavên tibî kirî ku 1ê nîsanê gihîşt New Yorkê û tê da cihazên nefeshildanê û ekîpmanên parastina takekesî jî hene. Herdu welatan jî di raboriyê da di demên krîzê da alîkariya mirovî dane hev û dê siberojê jî vê yekê bikin. Ji bo têkbirina dijminekî hevpar ê ku jiyana me hemûyan tehdîd dike, dem, dema xebata bi hev ra ye."

Li gorî agahiya ku ji çavkaniyên herêmî hat wergirtin, balafira eskerî ya kargoyê ya cure "AN-124" ku ji Rûsyayê di çarçoveya têkoşîna dijî Kovîd-19ê bo Amerîkayê hat şandin, li Balafirgeha Navneteweyî ya New York JFKyê danî.