Li Sûriyeyê piştî ku di navbera hikûmet û rêxistina terorê YPG/HSDyê da agirbest çêbû û peymana entegrasyonê hat îmzekirin, Alîkarê Waliyê Helebê Ebdurrehman Selame wekî waliyê nû yê bajarê Reqqayê hat wezîfedarkirin.

Tayînkirin li ser hesabê medyaya civakî yê Waliyê Helebê Ezzam el-Garîb hat daxuyandin.

Walî Garîb wiha got, "Birayê me yê Ebdurrehman Selame ku di rêya têkoşîn û rizgariyê da dostekî me ye, ji bo wezîfeya Walîtiya Reqqayê hat tayînkirin û em wî pîroz dikin. Xwedê di wezîfeya wî ya nû da serkeftin û rastiyê têxe nesîbê wî. Ji bo ku gelê Reqqayê zêdetir pêş bikeve û îstiqrarê bibîne, Xwedê alîkarê wî be."

Garîb ji bo wezîfeya li Helebê jî pesnê Selame da û wiha got, "Xebatên wî yên li Helebê seba başkirina rewşê û pêşxistina xizmetan tesîreke wî ya mezin hebû. Ez di wezîfeya wî ya nû da jê ra serkeftinê dixwazim."