3 endamên Konseya Eskerî ya Berwext a Sûdanê îstifa kirin

Hat ragihandin ku 3 endamên Konseya Eskerî ya Berwext a Sûdanê yên ku wekî kesayetên girîng ên rejima serokê têkçûyî Omer el-Beşîr tên qebûlkirin, îstifa kirin.

Li gorî daxuyaniya nivîskî ya Konseyê, hersê general Omer Zeynelebidîn, Celaledîn eş-Şêx û Babekir et-Teyîb ji endametiya Konseyê îstifa kirin.

Herwiha hat diyarkirin ku îstifa li ber nirxandinê ne.

Satî el-Hecê endamê hêzên ku tevgera gel temsîl dikin çendek berê di daxuyaniya xwe ya ku dabû peyamnêrê AAyê da diyar kiribû ku Konseyê îstifaya kesên navborî pesend kiriye.