Li bajarê Cingcou yê eyaleta Hinanê ya li naverasta Çînê, hejmara kesên ku ji ber lehiyê mirin derket 63yan.

Li gorî nûçeya Xinhuayê, li tevahiya eyaletê barana gumrah tesîr li zêdeyî 9 milyon însanî kir, bi qasî milyonek însan jî bo herêmên ewle hatin veguhestin. Lehiyê zêdeyî 3 hezar û 800 mal dan ber xwe û xirab kirin û her wisa hejmara kesên ku ji ber lehiyê mirin jî derket 63yan.

Peywirdaran destnîşan kirin ku 5 kes jî wenda ne.

Alîkariya xwarin û xurek a bo herêmên ku lehiyê lê da didome.

Li eyaleta Hinanê barana gumrah a ku 17ê Tîrmehê dest pê kiribû, 20ê Tîrmehê bûbû sedema rabûna lehiyê.

Avê dabû ser metroya bajarê Cingcouyê û di encamê da gelek kes mehsûr mabûn.