Li Şanliurfaya li Kavilgeha Heranê ya di Lîsteya Berwexta a Mîratên Cîhanê ya UNESCOyê da ku yek ji kevintirîn cihên niştecihiyê yên cîhanê ye, ekîba şûnwarnasiyê tevî tozê û germahiya bişewat, ji bo şopa dîrokê derxe ser rûyê erdê xebatê dike.

Serokê Beşa Şûnwarnasiyê ya Zanîngeha Heranê û serokê ekîba Şûnwarnasiyê ya Kavilgeha Heranê Prof. Dr. Mehmet Onal ji nûçegihanê AAyê ra got ku ew xebatên li kavilgehê bi fînansmana Wezareta Çand û Turîzmê û hevkariya walîtî û şaredariyê dikin.

Onal diyar kir ku çavkaniyên dîrokî nîşan didin li herêmê 5 medrese hebûne û anî ziman ku avahiyên ser bi van medreseyan derxistine holê.

Arkeolog Ezgî Orenlerê got ku germahî ji ya asayî ya demsalê zêdetir e û her wiha hebûna toza hûr a di dema vekolanê da karê wan dijwar dike.

Cemal Demirê yek ji karkerên ji Heranê, destnîşan kir ku ew elimiyê germahiyê ye û anî ziman ku ew bi dilxweşî karê xwe dike û got, "Em elimiyê vê germahiyê ne. Di binê germahiya bi qasî 45-50 pileyî da, em vî karî digel mamosteyên xwe bi kêfxweşî dikin. Jixwe "her" tê wateya germ, navê Heranê jî ji wê derê tê."