EDIRNE
Li Edirneya paytextê Osmaniyan ku her demsala xwe xweş derbas dibe payiza dereng bi ciwaniyeke cuda xemiliye.
Bajarê bi tarîxa xwe ya qedîm ve wek peykerekî hunerî bejn û bala xwe nîşan dide, bi şêweyên cuda yên rengên kesk û qehweyî yên pelên daran silavê dide çemên Tunca û Merîcê.
Tunca û Merîc hewa nerm û nazdar a Balkanan bi coş û xiroşiyê dikişînin Edirneyê.
Edirne, derwazeyê hewaya sar e û rojên dawîn ên berî zivistana xedar pêşkêşî şêniyên xwe dike. Yên ku dixwazin rojên xwe xweş derbas bikin jî her ku firsendê dibînin diçin daristanan û qiraxên çeman.
Heyamên dawîn ên ku tav xwe li ser rûyê erdê nîşan dide xelkê Edirneyê şahidiya yek bi yek weşîna pelan jî dike.
Edirne paytextê kevin ê Împeratoriyeta Osmanî bû, loma nazdar û ciwan e. Ew romantîzma ku bi fesla payiza dereng xwe lê vedaye jî bala tûrîstên ku tên bajêr zêde dikişîne.
Li Edirneyê zivistan, havîn û bihar her yek bi awayekî cuda tê derbaskirin. Wek wan di payiza dereng de jî mazûvaniya mêvanên xwe yên xoşewîst dike.
