Kurtefîlm û belgefîlmên "Mihrîcana Fîlman a Bogazîçiyê ya 13emîn" ku Ajansa Anadoluyê (AA) Şirîkê wê yê Ragihandina Global e, hatin eşkerekirin.

Weqfa Çand û Hunerê ya Bogazîçiyê wê bi piştgiriya Midûriya Giştî ya Sînemayê ya Wezareta Çand û Turîzmê di 7-14ê Mijdarê da mihrîcanê li dar bixe. Di mihrîcanê da temaşevan wê di kategoriyên kurtefîlm û fîlman da 31 fîlman temaşe bikin.

Îsal fîlmên di bijarteyên "Kurtefîlma Neteweyî", "Kurtefîlma Navneteweyî" û "Belgefîlmê" da werin temaşekirin û seba xelata mezin têkevin pêşbaziyê.

Di şaxa belgefîlmê da fîlma ku wekî "Fîlma Herî Baş" were neqandin, wê 100 hezar lire, fîlma ku layîqê Xelata Taybet a Juriyê were dîtin jî wê 50 hezar lire xelata pere hilde.

Di şaxa kurtefîlman da fîlma ku di kategoriyên neteweyî û navnetweyî da wekî "Fîlma Herî Baş" were neqandin wê her yekî 50 hezar lire xelatê bistînin, seba Xelata Mezin a ku ji bo bîranîna derhêner Ahmet Uluçay tê dayîn jî wê 100 hezar lire were dayîn.

Ji bo mihrîcana ku Turkcell û Rêhewaya Tirk sponsoriya sereke hildaye, agahiyên berfireh li ser navnîşana "www.bogazicifilmfestivali.com"ê û li ser hesabên medyaya civakî yên fermî yên mihrîcanê hene.