Wezîrê Perwerde û Xwendina Bilind ê Sûriyeyê Mihemed Ebdurrehman serdana Pêşangeha Pirtûkan a Navneteweyî ya Şamê kir.

Beşa zimanê Kurdî ya SANAYA ajansa fermî ya nûçeyan a Sûriyeyê ragihand ku Pêşangeha Pirtûkan a Navneteweyî ya Şamê ya ku ev 5 roj in vekirî ye, gelek kesan serdana wê kiriye.

Her wiha hat ragihandin ku hejmareke mezin ji pirtûkên wêjeyî yên Kurdî li Pêşangeha Pirtûkan a Navneteweyî ya Şamê wekî beşeke resen a qada çandî ya Sûriyeyê hatine pêşandan.

- Wezîrê Perwerde û Xwendina Bilind ê Sûriyeyê serdana beşê Kurdî li Pêşangeha Navdewletî ya Pirtûkan a Şamê kir

Behsa wê yekê jî hat kirin ku Wezîrê Perwerdehiyê yê Sûriyeyê Mihemed Ebdurrehman serdana pêşangehê kiriye û li beşên pêşangehê geriyaye.

Pêşangeha Pirtûkan a Navneteweyî ya Şamê, bi navê "Em Dîrokekê Dinivîsin û Dîrokekê Dixwînin", roja înê vebû, ev pêşangeh yekem pêşangeh e ku ji hêla Wezareta Çandê ya Sûriyeyê va piştî hilweşîna rejima Beşar Esed va tê organîzekirin.