Li Dêraya Bajarê Antîk ê bi çand û berhemên xwe yên dîrokî va balê dikişîne ampullaya duqulpî ya 1400 salî ya ji kîlê hatiye çêkirin hat dîtin. Ampulla ji bo armancên dînî hatiye bikaranîn.

Li Deraya Bajarê Antîk ê wekî "Efesa Mezopotamyayê" tê nirxandin a li Oxuza taxa Artuqî ya navçeya navend di vekolanên 30 sal e tên kirin da gelek amûr û bermamiyên mîmarî hatin dîtin.

Serdema vekolana 2021î ya bi destê Midûriyeta Giştî ya Muze û Berhemên Çandî, Saziya Dîrokê ya Tirkan, Walîtiya Mêrdînê, Şaredariya Bajarê Mezin a Mêrdînê, Ajansa Pêşxistinê ya Dîcleyê, Midûriyeta Çand û Turîzmê û Midûriyeta Muzeyê didomînin hat temamkirin.

Vê serdemê jî gelek berhemên dîrokî hatin dîtin. Di nav wan amûran da ampullayeke 1400 salî hat dîtin û li ser mpullayê fîgura Ezîz Menas, li herdu aliyan heştir û li ser wê jî motîfên hec hene.