Vê hefteyê 9 fîlm ketin vîzyonê

Istanbul
Vê hefteyê jê 4 xwemalî, 9 fîlm ketin vîzyonê.
Di fîlma bi navê "Ji Bakurî" ya ku cureya wê aksîyon û serpêhatî ye da lîstikvanên xelata Oscarê hildane Nîcole Kîdman û Alexander Skarsgard dilîzin.
Derhênerê fîlmê Robert Eggers, lîstikvanên din jî Anya Taylor-Joy, Claes Bang û Ethan Hawke in.
Fîlm behsa mîrzayê Vîkîngan Amleth dike ku apê wî Fjolnîrew bavê wî qral Aurvandîl dikuje. Amlethê dibe şahidê kuştina bavê xwe hewl dide tola bavê xwe hilde.
- "Hêrsa Cehenemê: Ave Marîe"
Di fîlmê da jinek cihê zêran nîşanî eskerên Amerîkayê dide û di nav wê rewşa xirab a tê da ye tê xelaskirin.
Serlîstikvanên fîlmê Nina Bergman, Daniel Bernhardt, Timothy Murphy, Louis Mandylor û Dominiquie Vandenberg in.
Derhênerê fîlmê Jesse V. Johnson e.
- "Rojava"
Derhênerê fîlmê Mîchel Franco ye.
Di fîlmê da li bin tava Acapulcoyê da behsa betlaneyekê tê kirin, lê ji ber trajediyeke mezin ew betlane nîvco dimîne.
Fransa, Swêd û Meksîkayê bi şirîkatî fîlm çêkirine.
Serlîstikvanên fîlmê Tîm Roth, Charlotte Gaînsbourg, Lazua Larîos û Henry Goodman in.
- "Kurk"
Derhênera fîlmê Hanna Bergholm e, cureya fîlmê jî tirs e.
Lîstikvanên fîlmê Janî Volanen, Sophîa Heîkkiîla, Reîno Nordîn û Ida Maattanen e.
Di fîlmê da jineke bi weswese heye ku qîza wê her tim hewl dide wê kêfxweş bike. Rojekê qîzik li daristanê hêkeke ecêb dibîne û di odeya xwe da vedişêre. Piştî vê hin tişt tên serê wê ku fîlm behsa van bûyeran dike.
- "Keştiya Nuh li Cûdiyê ye 2"
Di fîlma pêkenokê ya xwemalî da Metîn Yildiz, Bulent Durgun, Charles Carroll, Îskender Bagcilar û Şebnem Yildirim dileyîzin.
Mijara fîlma ku Gursel Ateş derhênerê wê ye da qala hilbijartina şaredariya Şirnexê û du evîndaran tê kirin.
- "Daristana Bisêhr: Keybanuya Periyan"
Di fîlmê da qala komek ciwanên bi xeletî ketine darstanekê û ji bo bikaribin derbikevin jî hewl didin Keybanuya Periyan xilas bikin, tê kirin.
- Fîlmên tirsonek ên vê heftê
Fîlma Kerr ya ku di Mîhrîcana Fîlman a Stenbolê ya 41emîn da xelata "Derhênerê Herî Baş" û "Derhênerê Hunerê yê Herî Baş" hilda û bi şirîkatiya Tirkiye, Fransa û Yewnanistanê hat kişandin. Derhêneriya fîlmê ji alî Tayfun Pîrselîmoglu va hat kirin û wek lîstikvan jî Erdem Şenocak, Jale Arikan û Riza Akin cî girtin.
Mert Uzunmehmet senaryoya fîlma "Koka Huddam: Cinên Marîdê" nivîsî û di heman demê da jî derhêneriya fîlmê kir. Di fîlmê da qala bûyerên tên serê Hakanê ji malbata wî guldanek mîrat maye û ji qebîleya Marîdê cinek tê da dîl girtine, dike. Wek lîstikvan jî Yeşîm Gedîk, Tufan Ozun û Cengîz Çaglayan dileyîzin.
- "Agirkujê wêrek"
Fîlma anîmasyonê ya Theodore Ty tevlî Laurent Zeitoun derhênerî kir da qala Georgiaya ku dixwaze wekî bavê xwe bibe agirkuj û ji bo vê yekê hewl dide, dike.
Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.