Çand û huner

Li Diyarbekirê "Sezona Çand û Hunerê ya Feqiyê Teyran" dest pê kir

Mehmet Sıddık Kaya   | 11.10.2021
Li Diyarbekirê "Sezona Çand û Hunerê ya Feqiyê Teyran" dest pê kir

Diyarbakir

 Li Diyarbekirê "Sezona Çand û Hunerê ya Feqiyê Teyran" bi dirûşmeya "Her der ji me ra dik e" va dest pê kir.

Şaredariya Mezin a Diyarbekirê îsal sezona çand û hunerê ya 2021-2022yan ji bo şairê kurd ê navdar Feqiyê Teyran veqetand.

Di vê sezonê da gelek çalakiyên wek sînema, şano, konser, xwepêşan, panel û xebatên ayolyeyan bên lidarxistin.

Ji ber destpêka sezonê li Navenda Kongre û Çandê ya Sezaî Karakoç bernameyek hat lidarxistin.

Waliyê Diyarbekirê Munîr Karaoglu di bernameyê da axivî û got ji bo ku ew ji nifşên nû ra behsa Feqiyê Teyran bikin wan biryar daye ku îsal bibe sala Feqiyê Teyran.

Karaoglu got sezona çand û hunerê ya 2021-2022yan wê xweş derbas bibe û wiha dewam kir: "Par ji ber şewbê me zêde çalakî li dar nexist. Lê ji bo ku mirovên me yên Diyarbekirî ji çand û hunerê mehrûm nemînin me li ser medyaya civakî, li ser platformên dijîtal û onlîne gelek xebatan kir. Me dît ku him hemşeriyên me yên Diyarbekirî û him jî welatiyên din ên ji bajarên Tirkiyeyê eleqeyeke mezin nîşanî xebatên me didin. Înşallah îsal wê sezoneke çandê ya têr û tije derbas bibe. Em ê înşallah şano, sînema, konser, xwepêşan, dîwanên dengbêjan û çalakiyên bi vî rengî va gelek xebatan bikin."



Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın