Ji bo zarokên li gund ser pişta xwe kîtêb birin

Li gundê Hecî Mehmet ê girêdayî Hîzana navçeya Bidlîsê welatiyan ji bo perwerdeya zarokan fêrgehek vekirin û Komaleya Huner û Çandê ya Bidlîsê jî li fêrgehê pirtûkxane ava kir. 

Komale bi xebatên ku dike li tevahiya bejêr hewcedariyên dibistanên gundan diyar dike û hewl dide ku van hewcedariyan pêk bîne. 

Komaleyê di çarçoveya projeya "Gund Gund, Dibistan Dibistan Şano-2" ya ku bi kordînasyona Walîtiya Bidlîsê tê kirin û di çarçoveya Bernameya Piştgiriya Civakî ya Wezareta Pêşketinê de tê fînansekirin de, ji bo dibistanên gundan kampanya li dar xist. Komaleyê li gundê Hecî Mehmet ê ku 60 kîlometro dûrî navçeyê ye li mala ku kirine wek fêrgehê pirtûkxane ava kirin û ji zarokan re pirtûk birin. 

Endamên komaleyê kitêbxaneyên ku bi kamyonetê birin gund, ser pişta xwe kişandin fêrgehê. Fêrgeha ku zarok wir di bin şertên dijwar de perwerdeyê dibînin paqij kirin û pirtûkxaneyê amade kirin.

Haydar Yilmazê arîkarê serokê komaleyê û kordînatorê projeyê daxuyaniyek da nûçegihanê AAyê û diyar kir ku li gundê Hecî Mehmet welatiyek mala xwe da û fêrgehek hat avakirin di vê fêrgehê de jî pirtûkxaneyek hat avakirin. 

Yilmaz da zanîn ku Midûriya Perwerdeya Neteweyî ji bo ku li gund dibistan bê vekirin xebat da destpêkirin û wiha axivî: 

"Em ji dil û can dixwazin ku li vê gundê dibistanek bê vekirin. Me dît ku xwendekarên vir di nav şert û mercên dijwar de perwerdeya xwe berdewam dikin û ji bo ku em hinek arîkariya wan bikin me fêrgeh paqij kir, dolab cî kirin û pirtûkxane ava kir. Em spasiya Walî Orhan Ozturkê ku di van faliyetan de piştgiriya xwe ji me kêm nake dikin."