Hejmara ziyaretvanên "Keçika Qereçî" gihîşt rojên beriya şewbê

 Muzeya Mozaîk a Zeugmayê ya Gazîentabê li rûyê dinyê ji muzeyên mozaîkê yên herî mezin yek e û di meheke dawîn da 60 hezar ziyaretvan ezimand.

Vekirina fermî ya muzeyê di 9ê Îlona sala 2016an da hat kirin û 25 hezar jê ser girtî li qadeke 30 hezar metreqereyî hat avakirin û di nav cihên ku turîstên xwemalî û biyanî herî zêde eleqeyê nîşan didin da ji cihên sereke yek e.

Di muzeya layiqê "Xelata Mezin a Çand û Hunerê ya Serokomariyê" jî hatibû dîtin da keçika qereçî, peykerê marsê, perçeyên ji Amerîkayê hatin anîn, resmê dîwar ê bi qasî 150 metreqereyî, kaniyên ji heyama Romayê û mozaîkên di koşkên li keviya Feratê bûn, tên nîşandan.

Ji ber şewba Kovîd-19ê muze demekî girtî ma û piştî asayîbûna bi merhele hejmara ziyaretvanên muzeyê di navbera 23ê Cotmeh-23ê Mijdarê da gihîşt 59 hezar û 560 kesî.

Bi zêdebûna ziyaretvanan va hejmara kesên hatin serdana muzeyê gihîşt rojên beriya şewbê.

Midûrê Muzeya Mozaîk a Zeugmayê Ozgur Çomak daxuyanî da nûçegihanê û got ku muze ji 1ê Hezîranê vir va vekiriye û wiha domand: "Hejmar gelek başe û em jê razî ne. Di nav meheke dawîn da nêzî 60 hezar kes hatin serdanê. Em roj heye 6 hezar û 500 ziyaretvanî qebûl dikin. Em wisa texmîn dikin ku di sala 2022an da wê hejmar zêdetir bibe."