Li Elezîzê taxa Harpûtê ya 4 hezar û 500 salî ye û şopa gelek şaristaniyan lê heye, bi dîroka xwe ya ku di binê berfê da maye û siruşta xwe va mazûvaniya ziyaretvanan dike.

Taxa Harputê di Lîsteya Mîrateya Berwext a Dinyayê ya UNESCOyê da cih digire. Li gor vedanên arkeolojîk ên ku li Keleha Harpûtê dewam dikin, dîroka taxê heta 4 hezar û 500 sal berê diçe.

Keleha Harpûtê, Mizgefta Mezin, mizgeftên Sara Xatûn, Kurşunlu û Esadiyeyê, tirbe û avahiyên dîrokî di binê berfê da man. Mija ku li ser navenda bajêr û Gola Bendavê ya Kebanê çêbû jî bala ziyaretvanan kişand.

Waliyê Elezîzê Numan Hatîpoglu diyar kir ku bi ketina berfê ra Harpûtê "gerdeniya bûkaniyê li xwe kir" û bal kişand ser xweşikahiyên taxê.

Ziyaretvanan jî got ku ew di binê tesîra atmosfera menewî û dîmena wê da man.