Li Mizgefta Mezin ya Ayasofyayê ya 1486 salî ya ku di Lîsteya Mîrata Dinyayê ya UNESCOyê da qeydkirî ye, pêvajoyên projeyê yên der barê sêwirandina tevahiya wê, modela avahîsaziyê, şert û mercên erd û ewlehiya erdhejê da qediyan.

Lijneya Zanistî ya ku ji bo Ayasofyayê hatiye avakirin kontrolên xwe temam kir û pêvajoyên sewirandinê dest pê kir.

Di encama tehlîl û lêkolînan da hat tesbîtkirin ku di qubeya sereke ya avahiyê da pêdivî bi xurtkirinê heye.

Ji ber vê, qubeya sereke di dîroka xwe da wê cara ewil evqasî bi berfirehî û kûr bê nûkirin.

Qube li dijî erdhejê wê bê xurtkirin û halê wê yê resen jî wê bê parastin.

Ji bo ku mozaîkên rûyê hundir zirarê nebînin xebat wê ji derva va bên meşandin. Telqeyên nixûmandinê wê bên rakirin û nûkirin.

Ji bo ku bandora hewayê çênebe û mozaîk bên parastin, qube wê ji bo demekê bi înşaeta polayê û brandayeke taybet va bê nixûmandin.

Di xebatan da ji bo ku îbadet û xebatên nûkirinê hevdem bimeşin platformeke pola ya ku 43,5 mêtro bilind û li ser 4 kolonan hatiye çêkirin wê bê avakirin.