Berhemên ku ji xirabeyên li navçeya Heranê derketin, bi destê Wezareta Çand û Turîzmê di pêşangeha "Vedanên Herran û Sogmatarê" da hatin pêşandin.

Xirabeyên navçeyê di Lîsteya Berwext a Mîrateya Dinyayê ya UNESCOyê da cih digire.

Midûriya Giştî ya Heyberên Çandî û Muzeyan di çarçoveya projeya "Di Sala 102yemîn da 102 Pêşangeh" da pêşangeh organîze kir û berhem li Midûriya Muzeyê ya Şanliurfayê hatin pêşandin.

Di pêşangehê da 95 berhemên bijarte hene ku dîroka wan a sedan salan heye.

Waliyê Şanliurfayê Hasan Şildak di vekirina pêşangehê da axivî û diyar kir ku bajêr ji aliyê heyberên çandî va xwediyê hebaneke girîng e.

Şildak diyar kir, di pêşangehê da berhemên ku qet nehatine dîtin, hene û wiha axivî:

"Hem di vedanên li Heranê hem yên li Sogmatarê da berhemên pir girîng hatin derxistin. Di çarçoveya Projeya Girên Zinar da li Karahantepeyê jî berhem hatin derxistin û ew jî li Enqereyê tên pêşandin."

Piştî vekirina pêşangehê Şildak, Rektorê Zanîngeha Heranê Prof. Dr. Îbrahîm Gulluoglu û Midûrê Çand û Turîzmê yê Bajarê Şanliurfayê Aydin Aslan li pêşangehê geriyan û ji Serokê Vedanên Xirabeya Heranê Prof. Dr. Mehmet Onal agahî hildan.

Pêşangeh wê heta 1ê Cotmehê vekirî be.