Hefteya e-bazirganiyê ya Tirkiyeyê ji aliyê Wezareta Bazirganiyê va, bi piştevaniya Komeleya Kargêrên Bazirganiya Elektronîk (ETÎD) digel Yekîtiya Ode û Borseyên Tirkiyeyê (TOBB) û Meclisa e-Bazirganiyê ya Tirkiyeyê va dê li Stenbolê bê lidarxistin.

Hefteya e-bazirganiyê ya Tirkiyeyê ku Ajansa Anadoluyê (AA) jê ra Hevbeşê Ragihandina Global e, bi mijara "Future-Commerce/Bazirganiya Siberojê" dê 21-22yê Mijdarê li Navenda Kongreyê ya Lutfî Kirdar a li Stenbolê bê lidarxistin.

Hûrgiliyên çalakiyê di civîna ku Serokê Daîreya Bazirganiya Elektronîk Çagatay Yasîn Karaboga, Serokê ETÎDê Hakan Çevikoglu û nûnerên saziyên hevbeş, tê da beşdar bûn, hatin parvekirin.

Karaboga di civînê da axivî û diyar kir ku ligel Hefteya Elektronîk a Tirkiyeyê dê festîvaleke mezin a e-bazirganiyê jî were lidarxistin û got, "Ev dê hefteya bazirganiyê ya yekem a Tirkiyeyê be ku ji dervayî welêt dest pê nake. Emê êdî jê ra nebêjin "Îna Reş". Êdî Mijdar wekî "Festîvala Kirîn û Firotinê ya Tirkiyeyê" tê zanîn. Di encamê da, ji bikarberên me ra ewê daşikandinên balkêş werin pêşkêşkirin."