Li tevahiya Tirkiyeyê jimara firotina xaniyan di meha tebaxê da li gor heman meha par ji sedî 6,8 zêde bû û derket 143 hezar û 319an.

Saziya Îstatîstîkê ya Tirkiyeyê (TUÎK) îstatîstîkên firotina xaniyan a meha tebaxê eşkere kirin.

Li gor îstatîstîkan li tevahiya Tirkiyeyê jimara firotina avahiyan di tebaxê da li gor heman meha par ji sedî 6,8 zêde bû û derket 143 hezar û 319an.

Di meha tebaxê da bajarê ku herî zêde xanî lê hatin firotin Stenbol e. Li Stenbolê 21 hezar û 814 xanî hatin firotin. Li Enqereyê 12 hezar û 419 xanî, li Îzmirê 7 hezar û 695 xanî hatin firotin.

Bajarê ku herî kêm xanî lê hatin firotin Erdexan, Bayburt û Tuncelî ye. Li Erdexanê 49, li Bayburtê 105 û li Tunceliyê 138 xanî hatin firotin.

Firotina xaniyan di heyama rêbendan-tebaxê da li gor heman heyama par ji sedî 21,3 zêde bû û wekî 978 hezar û 70yî pêk hat.