Li Kilîsa ku ji navendên sereke yên hilberîna îsotên sor e, komkirin û hişkkirina îsotan dest pê kir.

Li gorî daneyên Midûriyeta Çandinî û Daristanê ya Parêzgehê, li bajêr di 53 hezar dekar erdî da îsot tê ajotin.

Ji van îsotan ji sedî 60 jê wekî doşav tê nirxandin, yê mayîn jî beşek jê dibe baharat û qederek jî ji bo dolmeyan tê hişkkirin.

Mikail Dumanê li gundê Hasancaliyê yê navçeya Musabeyliyê hilberînê dike, ji peyamnêrê AAyê ra diyar kir ku ew îsotan kom dikin, hişk dikin û bi wî awayî pêşkêşî piyaseyê dikin.

Duman bal kişand ku ew ji 20 donim zeviyî, qedera 5 ton rekolteyê pêşbînî dike û wiha got, "Komkirina me dest pê kir. Îsal rekolte ji ber şertên avûhewayê û germahiyê, kêm e. Lê dîsa jî bi awayekî giştî em ji rekolteyê kêfxweş in. Îsotên me piştî komkirin û hişkkirinê êdî ji bo firotanê amade dibin. Em îsotan dişînin hemû parêzgehan."

Hatice Baltaciya ji karkeran jî diyar kir ku digel kelekela germa havînê, ew neçar in ku seba debara mala xwe bixebitin. Baltaciyê got ku xebata wan serê sibehê dest pê dike û heya nîvroyê didome.