Li Aydinê kîloya şahberûyên ewil ên sezonê wekî sembolîk bi 550 lireyî hat kirîn.

Merasima kirînê li Borseya Bazirganiyê ya Aydinê hat lidarxistin û 12 hilberîner bi 131 kîlo şahberû va beşdar bûn.

Borsayê wekî temsîlî kîloya şahberûyan bi 550 lireyî kirî.

Serokê Borsayê Fevzî Çondur diyar kir, li Tirkiyeyê bi tevahî 74 hezar û 300 ton şahberû tê hilberîn, 24 hezar û 315 tonê wê li Aydinê tê hilberîn.

Çondur daxuyand, şahberûyên ku tên hilberîn, ji welatên cuda ra tên îxrackirin, eleqeyeke mezin dibîne û wiha dewam kir, "Ji sala 2024an pê va li tevahiya Tirkiyeyê 3 milyon û 17 hezar û 855 darên şahberûyê hene. Tenê li Aydinê jî 871 hezar û 211 darên şahberûyê hene. Li gorî daneyên Saziya Îstatîstîkê ya Tirkiyeyê, welatê me di sezona 2024-2025an da 6 hezar û 995 ton şahberû îxrac kir û ji vê îxracatê 17 milyon û 890 hezar dolar dahat bi dest xist."